Induak Adaik jo Mufakaik

Panakiak Pisau Sirauit,Ambiak galah batang lintabuang,
Salodang ambiak ke niru,
Nan satitik jadikan lauik,
Nan sakapa jadikan gunuang,
Alam takambang jadikan guru,
Usang usang dipabarui,lapuak lapuak dikajangi,
Bajanjang naiak, batanggo turun,
Nan cadiak tampek batanyo, nan pandai tampek baguru,
Alang tukang kayu tabuang,
Alang cadiak binaso Adaik,
Alang alim rusak agamo,
Alang sapaham kacau nagari,
Nan elok dipakai, nan buruak dibuang,
kalaunyo singkek minta disambuang, kalau panjang minta dikarek,
kalau cabiak minta ditamba,
Induak Adaik mufakaik.

Dari nenek turun kamamak,
dari mamak turun ka kamanakan,
patah tumbuah hilang baganti,
pusako lamo baitu juo,
Adaik basandi hukum,
hukum basandi syara',
Syara' mangato adaik manuruik.

Rajo menobat dalam alamnyo (nagari),
Penghulu menobat dalam luaknyo (daerah),
Limbago menobat dalam lingkungannyo (mukim),
Bapak menobat pada anak buahnyo (kampuang jo rakyaik),
Urang banyak menobat dalam tarataknyo (rumahtanggo).